Ciencias da Natureza 5º. Ecosistemas.

Lúa, alumna de 5º, amosounos hoxe a todos que coñece perfectamente as partes e o funcionamento dun ecosistema. Trouxo á clase este, que fixo ela mesma, e explicounos a todos cales eran o medio físico, os seres vivos, que papel ten cada un no ecosistema, e tamén fixeron entre todos cadeas alimentarias cos “seres vivos” que o habitan. Noraboa polo teu traballo!!

Os alumnos do 3º ciclo constrúen o seu territorio

Hoxe asistimos a un obradoiro sobre desenvolvemento sostible organizado pola asociación ecoloxista ADEGA. Foi unha experiencia moi positiva, na que aprendemos cousas tan interesantes como o impacto visual na paisaxe ou algunhas especies vexetais invasoras que hai actualmente en Galicia. Construímos por grupos un pobo imaxinario no que tentamos poñer todo o necesario para vivir ben e de forma sostible. O primeiro intento non estivo mal, pero logo das explicacións de Anxo, o monitor, fomos capaces de mellorar o noso pobo para facelo máis bonito e, sobre todo, máis respectuoso co medio ambiente. Moitas grazas á asociación polo seu labor.
Aquí podedes ver o noso traballo:

http://issuu.com/tereteretere/docs/6____constr__e_o_seu_territorio

http://issuu.com/tereteretere/docs/5____constr__e_o_seu_territorio