Ciencias da Natureza 5º. Traballo para o mércores 1 de abril.

Hoxe ides traballar na vosa libreta. Tedes que facer os exercicios da páxina 127, “fontes de enerxía” e “mecanismos de corda”. Lembrade as pautas da libreta (data, páxia, número de exercicio, presentación coidada)

O próximo día de clase publicarei un documento coas respostas para que poidades comprobar se o fixestes ben.

Kahoot Ciencias da Natureza 5º.

Noraboa a todos os que participastes no xogo “kahoot” que vos propuxen onte para repasar os temas 3 e 4 de ciencias. O xogo resultou ser todo un éxito e houbo unha participación total!!! 23 participantes!!! Alégrome moito, se vos gusta prepararei máis.

É unha pena que algún de vos, no “nickname” puxo o código, e así non podo saber quen sodes. Se entrades hoxe no enlace, poderedes ver o podio cos tres mellores participantes.

Os resultados foron moi bos en xeral, xa sabedes cada un a puntuación que acadastes, pero as respostas correctas están por enriba do 70 %, un resultado moi bo.

Iremos mellorando o uso desta aplicación para que poidades enviar os vosos comentarios ao rematar o xogo e crear informes de resultados.

Ciencias da Natureza 5º. Traballo para o luns 30 de marzo.

Ola a todos! Que tal a fin de semana? Comezamos repasando ciencias cun xogo en liña. Prepareivos unhas preguntas de repaso dos temas deste trimestre, a enerxía e as máquinas. Para entrar no xogo, debedes premer o enlace que vos deixo:

https://kahoot.it/challenge/0228131?challenge-id=68717609-cb47-4480-8209-888db2e0b0a9_1585498987493

e escribir o código: 0228131     nickkahootaquí, na parte de abaixo da páxina

Tamén teredes que escribir un “nickname” que será o voso nome e apelido para que eu poida seguir os vosos resultados.

Como esta é a primeira vez que xogades, o xogo estará aberto ata as 20:00 horas de hoxe, e ademais, no puxen límite de tempo para que vos familiaricedes coa mecánica do xogo. Espero que todos participedes e o desfrutedes moito para que podamos facelo máis veces. E así darlle un pouco máis de dificultade e emoción.

O martes contareivos como foi a experiencia. Ánimo!

 

Ciencias da Natureza 5º. Traballo para o mércores 25 de marzo.

Seguimos rematando o tema 4, con máis exercicios do libro. Hoxe debedes facer:

Páxina 121, exercicios 39, 41 e 42.

De xeito opcional e se tedes a man todos os materiais, tamén podedes intentar o taller de ciencias da páxina 116: constrúe unha catapulta paso a paso. Lede ben os materiais que precisades, os pasos a seguir e pensade que o que ides facer é un tipo de panca, así que fixádevos ben onde están a carga, a forza e o punto de apoio.

luigis-catapult1

Se conseguides facelo e podedes mandar unha foto ao meu correo, publicareinas aquí para que todos podamos ver os vosos traballos.

Ciencias da Natureza 5º. Traballo para o luns 23 de marzo.

balancin

Hoxe ides traballar na libreta. Os exercicios que debedes facer son:

-Páxina 119, exercicios 24 e 27

Páxina 120, exercicios 34, 35 e 36

Lembrade as pautas da libreta: data, páxina e número de exercicio. Non hai que copiar enunciados.

Podedes repasar no libro e nas entradas anteriores, onde tedes vídeos, exercicios interactivos e un xogo de preguntas.

Ciencias da Natureza 5º. Xogo de preguntas tema 4.

Ola a todos/as. O traballo que vos deixei o luns era para facer tamén hoxe, pero por si acaso xa rematastes e queredes repasar dunha forma máis divertida, aquí tedes un xogo de “respostas e preguntas” feito especialmente para vós. Chámase “jeopardy” e a súa característica máis importante é que o que vedes é a “resposta” e o que tedes que adiviñar é cal é a pregunta que se fai para obter esa resposta. por exemplo, se vedes “7 días” a solución é a pregunta “cantos días ten unha semana?” Este é un exemplo calquera para que o entendades, pero o voso xogo vai de estruturas e máquinas. As vosas “respostas” deben ser: “Que é…?” ou “pon un exemplo de…”

Pensade a resposta e cando a teñades, premede a barra espaciadora para ver a solución. Non tedes que escribir nada. Para cambiar de pregunta, premede “esc”.

Veña, animádevos a probar. Cando entredes, ides atopar a opción de xogar por grupos, pero dende a casa non se pode. Facede clic e marcade a opción “no teams” e logo “start”. En cada recadro vedes o que vale cada resposta correcta. Apuntádeo e compartide con todos a vosa puntuación nos comentarios!!! Así é máis divertido. Escribide o voso nome e puntuación. Premede na imaxe para xogar:

jeop

E lembrade que nos comentarios tamén podedes escribir calquera dúbida ou problema que vos xurda e tentarei solucionalo.

 

Ciencias da Natureza 5º. Traballo para o luns 16 e mércores 18 de marzo.

Estamos rematando o tema 4, “estruturas e máquinas”. Para non olvidar o estudado, é importante que sigas mantendo o hábito de estudo diario. Así que repasa os puntos 1, 2, 3 e 4 do libro de texto. Podes ver os vídeos e facer as actividades que tes a continuación. Este traballo é para toda a semana. Podes dedicarlle un rato cada día. A semana que ven terás exercicios e preguntas.

Presentación e exercicios sobre estruturas

Máquinas simple e tipos de pancas.

A panca

As máquinas

Máis sobre máquinas

Máquinas e mecanismos

A bicicleta

Se traballas nunha tablet, é posible que non poidas ver algún dos exercicios. Inténtao nun portátil ou ordenador de sobremesa. Se ao acceder ao exercicio ves esta imaxe activar flash fai clic sobre ela e a continuación, “permitir”. Se tes algún problema ou dúbida, escríbeo nos comentarios e intentarei resolvelo.